Nuwe insigte

Aan al diegene met wie ek altyd so lekker oor filosofie gestry het en teenoor wie ek altyd ruiterlik erken het dat ek eintlik niks van filosofie weet nie, julle sal dalk verheug wees om te hoor dat ek toe vir my ‘n boek oor filosofie gaan koop het. Moet egter nie vir my vra watter boek dit is nie want jy gaan waarskynlik terleurgestel wees.

Ek het nou al ‘n redelike ent in die boek in gelees. En … ?

Wel so vêr moet ek sê dat my opinie oor filosofie tot ‘n groot mate bevestig is. Daar is maar min daarvan wat die moeite werd is om oor huis toe te skryf. Mens kan die klomp filosowe min of meer in drie kategorieë verdeel.

  1. Die wat eenvoudig snert praat
  2. Die wat goed kwyt raak wat in elk geval algemene kennis is
  3. Die enkelles wat iets sinvols kwytgeraak het

Vanuit die derde kategorie moet ek eers bietjie stilstaan by Descartes. Dis nou die ou wat gesê het “I think therefore I am.” Wel die storie daaragter is dat hy wou bepaal wat hy met sekerheid kon agter kom bloot deur filosofies daaroor te dink. En al wat hy op die ou end met sekerheid kon verklaar was dat hy bestaan.

I rest my case.

 

Advertisements

4 thoughts on “Nuwe insigte

  1. I’m pink, therefore I’m ham… 🙂 Ja, dis seker in ‘n groot mate soos jy se^, maar filosofie kry die we^reld al vir dekades aan die dink. Ek dink nie dis ‘n wetenskap nie. Meer ‘n bewustheid.

  2. Ek het noudie dag my “Philosophy for Dummies” ingeruil vir die HarperCollins Study Bible. Laasgenoemde bevat nogals wyshede, al is daar filosofiese besinning in oor wat nou eintlik ‘n goeie lewe is. Ek hou nogals van wat ‘n ene Moody gesê het: Die Bybel is nie gegee om ons kennis uit te brei nie, maar om ons lewens te verander. Uiteindelik het ‘n mens niks anders of meer nodig nie.

  3. Gits is dit al so langlaas wat ek hier was. Sal moet ‘n punt maak om te kom kyk.

    Janee, Emil, die Bybel bevat nogal baie wysheid. So dit maak seker sin dat filosowe daardeur gefasineer sal wees. Hoe meer ek lees oor wat die filosowe kwytgeraak het hoe meer skud ek my kop. Snaakse idees. Hoekom daar so ophef van gemaak word kan ek nie verstaan nie.

    ‘n Bewustheid Roer? Wat word daarmee bedoel?

Comments are closed.